കഴിഞ്ഞ 25 വര്ഷമായി എന്റെ അടുത്ത സുഹൃത്താണ് സച്ചിന്. ഇനിയും അങ്ങിനെയായിരിക്കും എന്നാണ് ഗാംഗുലി പറഞ്ഞത്.
ലോകകപ്പിലെ ഇന്ത്യ-പാക് മത്സരം സംബന്ധിച്ച് ചര്ച്ചകള് കൊണ്ടുപിടിക്കുകയാണ്. സാമൂഹ്യമാധ്യമങ്ങളിലും ഈ വിഷയത്തില് ചര്ച്ചകള് സജീവമാണ്. വിഷയത്തില് അഭിപ്രായം അറിയിച്ച് ഇന്ത്യയുടെ മുന് ക്രിക്കറ്റ് താരങ്ങളായ സച്ചിനും ഗാംഗുലിയും രംഗത്തു വന്നിരുന്നു. വിഷയത്തില് ഇരുവരുടെയും വ്യത്യസ്ത അഭിപ്രായങ്ങളായിരുന്നു. ഇപ്പോഴിതാ ഈ വിഷയത്തിന്റെ പേരില് ഞങ്ങള് തമ്മില് ഒരു പ്രശ്നവുമില്ലെന്ന് വ്യക്തമാക്കുകയാണ് സച്ചിനും ഗാംഗുലിയും. തന്റെ വാക്കുകള് സച്ചിനെതിരായി വയ്ക്കുകയാണ് ചിലര്. ലോക കപ്പ് വേണം എന്ന് ഞാന് പറയു്മ്പോള് അതിന് സച്ചിന്റെ പ്രതികരണവുമായി ഒരു ബന്ധവുമില്ല. അദ്ദേഹത്തിന്റെ പ്രതികരണം എനിക്കെതിരേയുമല്ല. കഴിഞ്ഞ 25 വര്ഷമായി എന്റെ അടുത്ത സുഹൃത്താണ് സച്ചിന്. ഇനിയും അങ്ങിനെയായിരിക്കും എന്നാണ് ഗാംഗുലി പറഞ്ഞത്.
A lot of people in the media is trying to put my statement against sachin s when I said “I want the World Cup”My response has got nothing to do with his statement, nor is my statement against his .. he is, has been and will be one of my best friends for last 25 years @sachin_rt
— Sourav Ganguly (@SGanguly99) February 24, 2019
ഗാംഗുലിയുടെ വിശദീകരണത്തിന് മറുപടിയുമായി സച്ചിന് എത്തുകയും ചെയ്തു. ഇങ്ങനെയൊരു വിശദീകരണത്തിന്റെ ആവശ്യം തന്നെയില്ല. രാജ്യത്തിന്റെ നന്മയാണ് നമ്മളെല്ലാവരും ആഗ്രഹിക്കുന്നത് എന്നാണ് എന്റെ വിശ്വാസം എന്നും സച്ചിന് പറയുന്നു. ലോക കപ്പില് പാകിസ്ഥാനെതിരെ ഇന്ത്യ കളിക്കരുത് എന്നും, പാകിസ്ഥാനെതിരെ കളിച്ചില്ലെങ്കില് ലോക കപ്പില് ഇന്ത്യയ്ക്ക് ഒന്നും നഷ്ടപ്പെടുവാന് ഇല്ലെന്നുമായിരുന്നു ഗാംഗുലി നിലപാടെടുത്തത്. എന്നാല് പാകിസ്ഥാനെ ഇന്ത്യ കളിച്ച് തോല്പ്പിക്കണം എന്നും, രണ്ട് പോയിന്റ് പാകിസ്ഥാന് വെറുതെ നല്കുന്നതിനോട് യോജിപ്പില്ലെന്നുമാണ് സച്ചിന് പ്രതികരിച്ചത്.
Never felt the need for you to justify. Strongly believe that all of us want what’s best for our nation. https://t.co/zUZYBVlCdh
— Sachin Tendulkar (@sachin_rt) February 24, 2019