1983 ഒക്ടോബര് 9
റങ്കൂണ് സ്ഫോടനത്തില് നിന്ന് ദക്ഷിണ കൊറിയന് പ്രസിഡന്റ് രക്ഷപ്പെടുന്നു
ബര്മ്മയുടെ തലസ്ഥാനമായ റങ്കൂണില് 1983 ഒക്ടോബര് 9 ന് ദക്ഷിണ കൊറിയന് പ്രസിഡന്റ് ചുന് ദൂ-ഹാന് പര്യടനം നടത്തുന്ന സമയം. അദ്ദേഹത്തിനെ വധിക്കാനുള്ള ശ്രമം നടന്നു. എന്നാല് ഭാഗ്യം കൊണ്ട് ഹാന് അതില് നിന്ന് രക്ഷപ്പെടുകയായിരുന്നു. ഹാന് സന്ദര്ശനം നടത്താനിരുന്ന രക്തസാക്ഷി സ്മാരക മണ്ഡപത്തില് മൂന്ന് സ്ഫോടനങ്ങളാണ് നടന്നത്. 21 പേരാണ് ആ സ്ഫോടനത്തില് കൊല്ലപ്പെട്ടത്. 45 പേര്ക്ക് പരുക്കേല്ക്കുകയും ചെയ്തു. പ്രസിഡന്റ് രക്ഷപ്പെട്ടെങ്കിലും ദക്ഷിണ കൊറിയക്ക് അവരുടെ പ്രധാനപ്പെട്ട മൂന്നു നേതാക്കന്മാരെ ആ സ്ഫോടനത്തില് നഷ്ടപ്പെട്ടു. വിദേശകാര്യ മന്ത്രി ലീ ബിയോം സിയോക്, ഡപ്യൂട്ടി പ്രധാനമന്ത്രി സൂ സുക് ജൂന്, വ്യാപാര-വ്യവസായ വകുപ്പ് മന്ത്രി കിം ഡോംഗ് വൈ എന്നിവരാണ് അന്നത്തെ സ്ഫോടനത്തില് കൊല്ലപ്പെട്ടത്.
ട്രാഫിക് ബ്ലോക്കില് പെട്ടതാണ് യഥാര്ത്ഥത്തില് പ്രസിഡന്റ് ഹാന്റെ ജീവന് രക്ഷപ്പെടാന് കാരണമായത്. ഗതാഗതക്കുരുക്കില്പ്പെട്ട് അദ്ദേഹത്തിന്റെ വാഹനം സ്മാരക മണ്ഡപത്തില് എത്താന് താമസിക്കുകയായിരുന്നു. അദ്ദേഹം എത്തുന്നതിനുമുമ്പേ സ്ഫോടനം നടന്നു.
ഈ സ്ഫോടനം പിന്നീട് ഒക്ടോബര് 9 ലെ റങ്കൂണ് സ്ഫോടനം എന്ന പേരില് കുപ്രസിദ്ധി നേടി. വടക്കന് കൊറിയയായിരുന്നു സ്ഫോടനത്തിനു പിന്നില്. ഇതുമായി ബന്ധപ്പെട്ട് വടക്കന് കൊറിയന് സൈന്യത്തിലെ രണ്ടുപേരെ അറസ്റ്റ് ചെയ്യുകയുമുണ്ടായി.
1999 ഒക്ടോബര് 9
എസ് ആര്-17 ബ്ലാക്ക് ബേഡിന്റെ അവസാന നിരീക്ഷണ പറക്കല്
ലോക്ഹീഡ് മാര്ട്ടിന് 1960 കളില് വികസിപ്പിച്ചെടുത്ത ചാരവിമാനമാണ് എസ് ആര്-17 ബ്ലാക്ക് ബേഡ്. വളരെ ഉയരത്തില് സഞ്ചരിക്കുന്ന മിസൈലുകളുടെ വേഗത കൂട്ടാനുള്ള സംവിധാനങ്ങള് ഈ വിമാനത്തിന്റെ പ്രധാന സവിശേഷതയായിരുന്നു. ഇതേ കഴിവുകളുള്ള റഷ്യയുടെ മിഗ്-25 നുള്ള അമേരിക്കയുടെ മറുപടിയായിരുന്നു എസ് ആര്-17. ബ്ലാക്ക് പ്രൊജക്ടിന്റെ കീഴില് വിദൂര മേഖലയിലെ ശത്രുസൈനിക നീക്കങ്ങളെപ്പോലും നിരീക്ഷിക്കാന് ഉതകുന്ന തരത്തിലാണ് എസ് ആര് 17 വികസിപ്പിച്ചെടുത്തത്.
ബ്ലാക് പ്രൊജക്ടിന്റെ കീഴില് ഇതിനു മുമ്പ് എഫ്-117 എന്ന ചാര വിമാനവും ബി-2 എന്ന ബോംബറും വികസിപ്പിച്ചിരുന്നു.1957 ഡിസംബര് 24 ന് ആദ്യ പറക്കല് തുടങ്ങിയ എസ് ആര്-17 ബ്ലാക്ക് ബേഡ് അവസാന നീരീക്ഷണത്തിനായി ആകാശസഞ്ചാരം നടത്തുന്നത് 1999 ഒക്ടോബര് 9 നാണ്.
Disclaimer: പ്രസിദ്ധീകരിക്കുന്ന കുറിപ്പുകളില് കൃത്യത ഉറപ്പുവരുത്താനാണ് ടീം അഴിമുഖം എന്നും ശ്രമിക്കുന്നത്. എന്നാല് ചരിത്ര സംഭവങ്ങളിലും തീയതികളിലും എന്തെങ്കിലും പൊരുത്തക്കേടുകളോ തെറ്റോ സംഭവിക്കുകയാണെങ്കില് വായനക്കാര് അത് ചൂണ്ടിക്കാട്ടുന്നതിനെ ഞങ്ങള് ആത്മാര്ഥമായി സ്വാഗതം ചെയ്യുന്നു.