മഷ്റഫെ മൊര്‍ത്താസ എറിഞ്ഞ 43-ാം ഓവറിലെ മൂന്നാം പന്തിലാണ് ഹോള്‍ഡറുടെ കരുത്ത് വ്യക്തമായത്.
ലോകക്രിക്കറ്റില്‍ സിക്‌സര്‍ അടിക്കുന്നതില്‍ കേമന്‍ ആരെന്ന് ചോദിച്ചാല്‍ ഒരു പക്ഷെ വിന്‍ഡീസ് താരം ക്രിസ് ഗെയില്‍ എന്നാകും ആരാധകരുടെ ഉത്തരം. എന്നാല്‍ കരിയറിലെ അവസാന ലോകകപ്പ് കളിക്കുന്ന ക്രിസ് ഗെയിലല്ല. ഈ ലോകകപ്പിലെ സിക്‌സറിലെ വീരന്‍. പടുകൂറ്റന്‍ സിക്‌സറുകള്‍ നേടുന്ന താരത്തന് വെല്ലുവിളി ഉയര്‍ത്തുന്നത് കരീബിയന്‍ ടീമില്‍ നിന്ന് തന്നെയുള്ള നായകന്‍ ജേസണ്‍ ഹോള്‍ഡറാണ്.
തകര്‍ത്തടിച്ച് റണ്‍സ് ഉയര്‍ത്തുന്ന ജേസണ്‍ ഹോള്‍ഡറുടെ പേരിലാണ് ഈ ലോകകപ്പിലെ നീളമേറിയ സിക്‌സര്‍ റെക്കോര്‍ഡ് പിറന്നത്. ഇന്നലെ ടോന്റണില്‍ ബംഗ്ലാദേശിനെതിരെയാണ് ഹോള്‍ഡര്‍ കൂറ്റന്‍ സിക്സ് പറത്തിയത്.
ബംഗ്ലാ നായകന്‍ മഷ്റഫെ മൊര്‍ത്താസ എറിഞ്ഞ 43-ാം ഓവറിലെ മൂന്നാം പന്തിലാണ് ഹോള്‍ഡറുടെ കരുത്ത് വ്യക്തമായത്. 127 കിമീ വേഗതയില്‍ വന്ന മൊര്‍ത്താസയുടെ പന്ത് ബൗണ്ടറിയും കടന്ന് വീണത് 105 മീറ്റര്‍ ദൂരെ. അനായാസമാണ് വെസ്റ്റ് ഇന്‍ഡീസ് നായകന്‍ കൂറ്റന്‍ സിക്സ് നേടിയതെന്ന് ദൃശ്യങ്ങളില്‍ വ്യക്തം.
