സീസണില്‍ യൂറോപ്പിലെ ഗോള്‍വേട്ടക്കാരില്‍ മുന്നിലുള്ളതും മെസ്സി തന്നെയാണ്.
ബാഴ്സലോണയ്ക്കുവേണ്ടി 400 ഗോളുകള്‍ നേടി ലാ ലീഗയില്‍ ഏറ്റവും കൂടുതല്‍ ഗോളുകള്‍ നേടിയ താരമായി ലയണല്‍ മെസി. ക്ലബ്ബിനുവേണ്ടി 435-ാമത്തെ മത്സരത്തിനിറങ്ങിയപ്പോഴായിരുന്നു മെസ്സി നേട്ടത്തിലെത്തിയത്. മെസ്സിയുടെ മികവില്‍ ബാഴ്സ 3-0 എന്ന സ്‌കോറിന് ഐബറിനെ തോല്‍പ്പിച്ച് ലീഗില്‍ ഒന്നാം സ്ഥാനത്ത് തുടരുകയാണ്. ഗോള്‍ വേട്ടയില്‍ ലാ ലീഗയില്‍ മെസ്സിക്ക് തൊട്ടുപിറകിലുള്ളത് മുന്‍ റയല്‍ മാഡ്രിഡ് താരം ക്രിസ്റ്റ്യാനോ റൊണാള്‍ഡോയാണ്. 311 ഗോളുകളാണ് റൊണാള്‍ഡോ നേടിയത്. റൊണാള്‍ഡോ ഈ സീസണില്‍ റയല്‍ വിട്ട് ഇറ്റാലിയന്‍ ക്ലബ്ബ് യുവന്റസിലേക്ക് മാറിയതോടെ മെസ്സിയുടെ റെക്കോര്‍ഡ് സമീപകാലത്ത് മറികടക്കാന്‍ ആരുമില്ല. ബാഴ്സയ്ക്കായി ആകെ 658 മത്സരങ്ങള്‍ കളിച്ച മെസ്സി ഇതുവരെ 575 ഗോളുകള്‍ നേടിയിട്ടുണ്ട്.
ഈ സീസണില്‍ മെസ്സി ആകെ 23 ഗോളുകള്‍ ബാഴ്സയ്ക്കായി നേടിക്കഴിഞ്ഞു. ഇതില്‍ 17 ഗോളുകളും ലാ ലീഗയിലാണ്. സീസണില്‍ യൂറോപ്പിലെ ഗോള്‍വേട്ടക്കാരില്‍ മുന്നിലുള്ളതും മെസ്സി തന്നെയാണ്.
