മൊഹാലി ടി20യില് ദക്ഷിണാഫ്രിക്കയ്ക്കെതിരെ ഇന്ത്യയുടെ വിജയശില്പിയായ കോഹ്ലിയെ പ്രശംസിച്ച് അഫ്രീദി കഴിഞ്ഞ ദിവസം രംഗത്തെത്തിയിരുന്നു.
ലോകത്ത് ഇപ്പോള് സജീവ ക്രിക്കറ്റിലുള്ള കളിക്കാരില് മികച്ച ബാറ്റ്സ്മാന് ആരെന്ന ചോദ്യത്തിന് പാക്കിസ്ഥാന് മുന് ഓള്റൗണ്ടര് ഷഹീദ് അഫ്രീദിയുടെ മറുപടി ശ്രദ്ധനേടുകയാണ്. ഇന്ത്യന് നായകന് വിരാട് കോഹ്ലി, ഇംഗ്ലീഷ് നായകന് ജോ റൂട്ട്, ഓസീസ് മുന് നായകന് സ്റ്റീവ് സ്മിത്ത് എന്നിവര്ക്കൊപ്പം പാക്കിസ്ഥാന് താരം ബാബര് അസമിനെയും ഉള്പ്പെടുത്തിയാണ് അഫ്രീദിയുടെ മറുപടി.
ട്വിറ്ററില് ഒരു ആരാധകന്റെ ചോദ്യത്തിന് മറുപടിയായാണ് അഫ്രീദിയുടെ പ്രതികരണം. ഇഷ്ടപ്പെട്ട ബാറ്റ്സ്മാന്റെ പേര് ചോദിച്ചപ്പോഴാണ് നാല് താരങ്ങളുടെ പട്ടിക അഫ്രീദി പുറത്തുവിട്ടത്. എന്നാല് കോഹ്ലിയെയോ ബാബറിനെയോ കൂടുതല് ഇഷ്ടം എന്ന മറ്റൊരു ആരാധകന്റെ ചോദ്യത്തിന് ‘രണ്ടുപേരെയും’ എന്നായിരുന്നു അഫ്രീദിയുടെ മറുപടി.
മൊഹാലി ടി20യില് ദക്ഷിണാഫ്രിക്കയ്ക്കെതിരെ ഇന്ത്യയുടെ വിജയശില്പിയായ കോഹ്ലിയെ പ്രശംസിച്ച് അഫ്രീദി കഴിഞ്ഞ ദിവസം രംഗത്തെത്തിയിരുന്നു. ‘അഭിനന്ദനങ്ങള് വിരാട് കോലി. നിങ്ങളൊരു വിഖ്യാത താരമാണ്. മികവ് തുടരാനാവട്ടെയെന്ന് ആശംസിക്കുന്നു. ലോകമെമ്പാടുമുള്ള ക്രിക്കറ്റ് ആരാധകരെ നിങ്ങള് ആനന്ദിപ്പിച്ചുകൊണ്ടേയിരിക്കുക’- എന്നായിരുന്നു അഫ്രീദിയുടെ ട്വീറ്റ്.
Virat Kohli, Babar, Root, Smith
— Shahid Afridi (@SAfridiOfficial) September 19, 2019
Dear followers and fans time to have another #AskLala session on Twitter? Please join me from 10pm to 10:30pm PST to night. Look forward to hearing from you. 🙂
— Shahid Afridi (@SAfridiOfficial) September 19, 2019