എട്ടാം സീഡായ സെറീന വില്യംസ് 24-ാമത് ഗ്രാന്‍ഡ്സ്ലാം കിരീട ലക്ഷ്യത്തിലാണ്.
കഴിഞ്ഞ വര്‍ഷത്തെ വിവാദ ഫൈനലിന് ശേഷം സെറീന വില്യംസ് യുഎസ് ഓപ്പണിലേക്ക് വന്‍ തിരിച്ചു വരവ് നടത്തിയിരിക്കുകയാണ്. 59 മിനിറ്റ് നീണ്ടുനിന്ന പോരാട്ടത്തില്‍ 37 കാരനായ വില്യംസ് റഷ്യയുടെ മരിയ ഷറപ്പോവയ്‌ക്കെതിരെ 6-1, 6-1ന് വിജയിച്ച് രണ്ടാം റൗണ്ടിലെത്തി. 32 കാരിയായ റഷ്യയെ തുടര്‍ച്ചയായി 19 തവണ തോല്‍പിച്ചതിന്റെ ആത്മവിശ്വാസത്തിലാണ് സെറീന.
എട്ടാം സീഡായ സെറീന വില്യംസ് 24-ാമത് ഗ്രാന്‍ഡ്സ്ലാം കിരീട ലക്ഷ്യത്തിലാണ്. അമ്മയായ ശേഷം രണ്ട് വര്‍ഷത്തിന് ശേഷം തിരിച്ചെത്തിയതിന് ശേഷം ഷറപ്പോവയുടെ സെര്‍വ് അഞ്ച് തവണ തകര്‍ത്താണ് രണ്ടാം റൗണ്ടില്‍ പ്രവേശിച്ചത്. അമേരിക്കന്‍ വൈല്‍ഡ്കാര്‍ഡ് കാതറിന്‍ മക്‌നലി യാണ് വില്യംസിന് അടുത്ത എതി
രാളി.
ലോക ഒന്നാം നമ്പറും നിലവിലെ ജേതാവുമായ നൊവാക് ദ്യോക്കോവിച്ചും രണ്ടാം റൗണ്ടില്‍ കടന്നു. സ്പാനിഷ് താരം റോബര്‍ട്ടോ ബയേനയെ നേരിട്ടുള്ള സെറ്റുകള്‍ക്ക് തകര്‍ത്താണ് സെര്‍ബിയന്‍ താരം മികച്ച ജയം സ്വന്തമാക്കിയത്. ആദ്യ സെറ്റില്‍ സ്പാനിഷ് താരത്തിന്റെ സര്‍വീസ് ബ്രൈക്ക് ചെയ്ത് 6-4 നു സെറ്റ് സ്വന്തമാക്കിയ നൊവാക് രണ്ടാം സെറ്റ് 6-1 നു നേടി. സീഡ് ചെയ്യാത്ത ചൈനീസ് താരത്തിനെതിരെ വെറും ഓരൊറ്റ ഗെയിം മാത്രം വിട്ടുകൊടുത്തായിരുന്നു മുന്‍ ജേതാവ് വീനസ് വില്യംസ് രണ്ടാം റൗണ്ടിലേക്ക് മുന്നേറിയത്. സെങ് സയിസയ്‌ക്കെതിരെ 6-1 നു ആദ്യ സെറ്റ് നേടിയ വീനസ് രണ്ടാം സെറ്റില്‍ ഒരു ഗെയിം പോലും വിട്ടുകൊടുത്തില്ല. 6-0 ത്തിനു രണ്ടാം സെറ്റും മത്സരവും അമേരിക്കന്‍ താരത്തിന് സ്വന്തം.
