95.98 ശതമാനമാണ് ഈ വര്ഷത്തെ വിജയശതമാനം
ഈ വര്ഷത്തെ എസ്എസ്എല്സി പരീക്ഷ ഫലം വിദ്യാഭ്യാസ മന്ത്രി സി രവീന്ദ്രനാഥ് പ്രഖ്യാപിച്ചു. 95.98 ശതമാനമാണ് ഈ വര്ഷത്തെ വിജയശതമാനം. കഴിഞ്ഞ വര്ഷത്തെ വിജയശതമാനത്തേക്കാള് കുറവാണ് ഇത്. 96.59 ശതമാനമായിരുന്നു കഴിഞ്ഞവര്ഷത്തെ വിജയശതമാനം.
20,967 വിദ്യാര്ത്ഥികള് എല്ലാ വിഷയത്തിനും എ പ്ലസ് നേടിയതായും മന്ത്രി പത്രസമ്മേളനത്തില് അറിയിച്ചു. 4,37,156 പേര് ഉന്നത വിദ്യാഭ്യാസത്തിന് യോഗ്യത നേടി. 1,174 സ്കൂളുകള് നൂറ് ശതമാനം വിജയം നേടി. 22 മുതല് സേ പരീക്ഷ ആരംഭിക്കും. റീവാല്യുവേഷന് അപേക്ഷകള് ഓണ്ലൈനായി അപേക്ഷിക്കാമെന്ന് മന്ത്രി അറിയിച്ചു.
