ശ്രീ സെബാസ്റ്റ്യന് പോള് നിങ്ങള് നിഷാമിനു വേണ്ടിയും സംസാരിക്കണം
നടി ആക്രമിക്കപ്പെട്ട കേസില് അറസ്റ്റിലായ നടന് ദിലീപിനെ അനുകൂലിച്ച് കടുതല് പേര് സിനിമാ രംഗത്തു നിന്നു വരികയും സെബാസ്റ്റ്യന് പോളിനെപോലുള്ളവര് ദിലീപ് അനുകൂല ലേഖനം എഴുതുകയും ചെയ്യുന്ന സാഹചര്യത്തില് തന്റെ നിലപാട് ഒരിക്കല് കൂടി ശക്തിയുക്തം അവതരിപ്പിച്ച് സംവിധായകന് ആഷിഖ അബു. വരും ദിവസങ്ങളില് കൂടുതല് ആളുകള് ദിലീപന് അനുകൂലമായി വരുമെന്നു തന്നെയാണ് ആഷിഖ് പറയുന്നത്. ഈ വിഷയം കേരളം ചര്ച്ച ചെയ്യുകയും ഇടപെടുകയും വേണമെന്ന് പറയുന്ന ആഷിഖ് ഇപ്പോഴത്തെ അനുകൂല നിലപാടുകാരോടു പരിഹാസരൂപേണ പറയുന്നത് മറ്റേ ബാബ(റാം റഹീം)യുടെ ടീം നടത്തിയതുപോലെയല്ലെങ്കിലും ഒരു ചെറിയ കലാപമങ്കിലും വേണമെന്നാണ്…തന്റെ ഫെയ്സ്ബുക്ക് പേജിലൂടെയാണ് ആഷിഖിന്റെ ഈ നിലപാട് വ്യക്തമാക്കല്.
ആഷിഖ് അബുവിന്റെ ഫെയ്സ്ബുക്ക് പോസ്റ്റ്
വ്യക്തിവൈരാഗ്യം തീര്ക്കാന് ബലാല്ക്കാരം നടത്തി അത് മൊബൈലില് പകര്ത്തി കൊണ്ടുവരാന് കൊട്ടേഷന് കൊടുത്തു എന്നതാണ് കേരളാ പോലീസ് ദിലീപ് എന്ന വ്യക്തിയില് ചാര്ത്തിയ കുറ്റം. ശ്രീനിയേട്ടന് പറഞ്ഞതുപോലെതന്നെ അതിബുദ്ധിമാനായ ദിലീപ് ഇങ്ങനെയൊരു മണ്ടത്തരം കാണിക്കില്ല എന്നും, വേറെ വഴികള് അയാള് കണ്ടെത്തിയേനേ എന്നുമാണ് അറസ്റ്റിന് മുന്പ് ദിലീപിനെ അടുത്തറിയാവുന്ന ആളുകളുടെ(ഞാനടക്കം) ഉറച്ച വിശ്വാസം. പക്ഷെ പോലീസ് നടത്തിയ നീക്കം കഥയിലെ അണിയറ നാടകങ്ങളെ പൊളിച്ചെറിഞ്ഞു. ദിലീപിനെ പോലെ അതിബുദ്ധിമാനും ധനികനും ശക്തനുമായ ഒരാളെ അറസ്റ്റ് ചെയ്യാന് പോലീസ് തീരുമാനിക്കുന്നു. വളരെ സെന്സിറ്റീവ് ആയ വിഷയത്തില് നീതിയുടെ ഭാഗത്തുനില്ക്കാന് സര്ക്കാര് തീരുമാനിക്കുന്നു. കോടതികള് പ്രഥമദൃഷ്ടിയില് കേസ് ഉണ്ടെന്ന് കണ്ടെത്തി ജാമ്യം നിഷേധിക്കുന്നു.
പോലീസിനെയും സര്ക്കാരിനേയും കോടതിയേയും ചോദ്യം ചെയ്യാന് സ്വാതന്ത്ര്യമുള്ള നാടുതന്നെയാണ് നമ്മുടേത്, അതില് സംശയം വേണ്ട ശ്രീ സെബാസ്റ്യന് പോള്. നിങ്ങള് നിഷാമിന് വേണ്ടിയും സംസാരിക്കണം. വക്കീല് ആണെന്ന് മറക്കുന്നില്ല.
വരും ദിവസങ്ങളില് ശ്രീനിയേട്ടനെ പോലെ കുറെയധികം ആളുകള് സംസാരിക്കും, കേരളം ചര്ച്ച ചെയ്യണം, ഇടപെടണം പറ്റുമെങ്കില് മറ്റേ ബാബയുടെ ടീം നടത്തിയ പോലെ അല്ലെങ്കിലും ഒരു ചെറിയ കലാപമെങ്കിലും വേണമെന്ന് പറയാന്.
#അവള്ക്കൊപ്പം
#അവള്ക്കൊപ്പംമാത്രം