നമ്മളില് ഓരോരുത്തരും നമ്മളോട് തന്നെ നടത്തേണ്ട കലഹമാണത്
സഹോദരന്റെ മരണത്തില് നീതി ആവശ്യപ്പെട്ട് സെക്രട്ടേറിയേറ്റ് പടിക്കല് സമരം നടത്തുന്ന ശ്രീജിത്തിന് പിന്തുണയുമായി നടി പാര്വതിയും. നീതിക്കു വേണ്ടിയുള്ള നിങ്ങളുടെ ഈ പോരാട്ടത്തില് നിങ്ങളുടെ കൂടെ നില്ക്കാതിരിക്കാനാവില്ലെന്നാണ് പാര്വതി പറയുന്നത്.
ശ്രീജിത്ത്, നീതിക്കു വേണ്ടിയുള്ള നിങ്ങളുടെ ഈ പോരാട്ടത്തില് നിങ്ങളുടെ കൂടെ നില്ക്കാതിരിക്കാനാവില്ല. സത്യം. ആരും, ഒരാളും നീതി നിഷേധിക്കപ്പെട്ടു, ഇരുട്ടില് നിര്ത്തപ്പെടരുത്. കൂടപ്പിറപ്പിന്റെ ജീവിതത്തോടുള്ള നിങ്ങളുടെ ആദരവും സ്നേഹവും അത് നേടിയെടുക്കാനുള്ള നിങ്ങളുടെ ധീരമായ അശ്രാന്തപോരാട്ടവും ഇന്നത്തെ ആവശ്യമാണ്. നമ്മളില് ഓരോരുത്തരും നമ്മളോട് തന്നെ നടത്തേണ്ട കലഹമാണത്. നമ്മളില് പലരും ചൂണ്ടാന് ഭയക്കുന്ന, മടിക്കുന്ന, സംശയിക്കുന്ന വിരലുകളാണ് ശ്രീജിത്ത് നിങ്ങള്. സ്നേഹം. ബഹുമാനം. ഐക്യം.