എന്‍ഡിഎയുടെ രാഷ്ട്രപതി സ്ഥാനാര്‍ഥിയായി ബിജെപി പ്രഖ്യാപിച്ചിരിക്കുന്നത് തീര്‍ത്തും അപ്രതീക്ഷിതവും ഇതുവരെ ചര്‍ച്ചകളിലൊന്നും കടന്നുവരാത്തതുമായ ഒരു വ്യക്തിയെ ആണ് – രാംനാഥ് കോവിന്ദ്. രാംനാഥ് കോവിന്ദിനെ കുറിച്ച് ചില വിവരങ്ങള്‍:
- 1945 ഒക്ടോബര്‍ ഒന്നിന് ഉത്തര്‍പ്രദേശിലെ കാണ്‍പൂരില്‍ ഒരു ദരിദ്ര ദളിത് കര്‍ഷക കുടുംബത്തില്‍ ജനനം.
- കാണ്‍പുര്‍ യൂണിവേഴ്സിറ്റിയില്‍നിന്ന് ബികോം, എല്‍.എല്‍.ബി ബിരുദങ്ങളെടുത്തു.
- ഐഎഎസ് പരീക്ഷ പാസായി
- സുപ്രീംകോടതിയില്‍ അഭിഭാഷകന്‍
- മുന്‍ പ്രധാനമന്ത്രി മൊറാര്‍ജി ദേശായിയുടെ പ്രൈവറ്റ് സെക്രട്ടറിയായി പ്രവര്‍ത്തിച്ചു
- 1994 ലും 2000 ലും ഉത്തര്‍പ്രദേശില്‍നിന്ന് രാജ്യസഭയില്‍. വിവിധ പാര്‍ലമെന്ററി കമ്മിറ്റികളില്‍ അംഗം.
- 1998 മുതല്‍ 2002 വരെ ദലിത് മോര്‍ച്ചയുടെ പ്രസിഡന്റ് ആയിരുന്നു.
- 2002 ഒക്ടോബറില്‍ ഐക്യരാഷ്ട്ര പൊതുസഭയില്‍ പ്രസംഗിച്ചു.
- ലക്‌നൗവിലെ ഡോ.ബിആര്‍ അംബേദ്കര്‍ സര്‍വകലാശാലയില്‍ ബോര്‍ഡ് അംഗമായി പ്രവര്‍ത്തിച്ചു
- കൊല്‍ക്കത്ത ഐഐഎമ്മിലും ബോര്‍ഡ് അംഗം
- 2015 ഓഗസ്റ്റ്‌ 16 മുതല്‍ ബിഹാര്‍ ഗവര്‍ണര്‍
