ഈ ഇരുണ്ട കാലഘട്ടത്തിൽ എന്നോടും എന്റെ കുടുംബത്തോടും ഒപ്പം നിന്ന എല്ലാ ധീരരായ സുഹൃത്തുക്കൾക്കും, പിന്തുണച്ചവർക്കും ഹൃദയംഗമമായ നന്ദി.
ജയിലിൽ കഴിയുന്ന ഗുജറാത്ത് മുന്‍ പൊലീസ് ഓഫീസര്‍ സഞ്ജീവ് ഭട്ട് കുടുംബത്തിനെഴുതിയ വികാരനിര്‍ഭരമായ കത്ത് പുറത്ത് വിട്ട് ഭാര്യ ശ്വേത ഭട്ട്. ഗുജറാത്ത് കലാപക്കേസിൽ അന്നത്തെ സംസ്ഥാന മുഖ്യമന്ത്രിയായ നരേന്ദ്രമോദിക്കെതിരെ വെളിപ്പെടുത്തൽ നടത്തിയതിന് പിന്നാലെ സേനയിൽ നിന്നും പുറത്താക്കപ്പെട്ടുകയും നിലവിൽ കസ്റ്റഡിമരണക്കേസിൽ ജീവപര്യന്തം തടവിന് വിധിക്കപ്പെടുകയും ചെയ്ത സഞ്ജീവ് ഭട്ട് ജയിലിൽ നിന്നും എഴുതിയ കത്താണ് ഭാര്യ ശ്വേത ഭട്ട് സാമൂഹികമാധ്യമങ്ങളിലൂടെ പങ്ക് വച്ചത്.
ഞാൻ ശ്വേത സഞ്ജീവ് ഭട്ട്, ഇന്ന് നമ്മളോടായി സഞ്ജയ് ഭട്ടിന് ചിലത് പറയാനുണ്ട് എന്ന ആമുഖത്തോടൊണ് ശ്വേത കത്ത് ജനങ്ങൾക്കാ സമർപ്പിച്ചിരിക്കുന്നത്. ”ഇന്ന് ഞാന്‍ എന്തെങ്കിലുമായിട്ടുണ്ടെങ്കില്‍ എല്ലാത്തിനും കാരണം നീയാണ്. എന്റെ കരുത്തും പ്രചോദനവും നീയാണ്. അസാധാരണകള്‍ക്കെതിരെ കത്തുന്ന എന്നിലെ ആദര്‍ശത്തിന്‍റെയും അഭിനിവേശത്തിന്റെയും ചൂളയിലെ ഇന്ധനവും നീയാണ് ”- സഞ്ജീവ് ഭട്ട് ശ്വേതയെ കുറച്ച് എഴുതുന്നു.
‘ഇരുട്ടിന്റെ ഹൃദയം’ എന്നാണ് അദ്ദേഹം കത്തിൽ സ്ഥലമായി രേഖപ്പെടുത്തിയിരിക്കുന്നത് തീയ്യതിയായി ‘ പോരാട്ടത്തിന്റെ മറ്റൊരു ദിനം’ എന്നും കുറിക്കുന്നു. ഭാര്യ ശ്വേത ഭട്ട്, മക്കളായ ആകാശി, ശന്തനു എന്നിവർക്ക് പുറമെ സുഹൃത്തുക്കളെയും കത്ത് അഭിസംബോധന ചെയ്യുന്നു.
ശ്വേത, ഏകദേശം മൂന്ന് പതിറ്റാണ്ടിനുശേഷമാണ് ഞാൻ നിനക്ക് ഒരു കത്ത് എഴുതുന്നത്. നാഷണൽ പോലീസ് അക്കാദമിയിൽ നിന്നാണ് ഞാൻ അവസാനമായി നിങ്ങൾക്ക് എഴുതിയത്. സമയം എത്രപെട്ടെന്നാണ് കടന്നുപോയതെന്ന് ഇപ്പോൾ ഞാൻ മനസ്സിലാക്കുന്നു. നമ്മൾ ഒരുമിച്ച് തുടങ്ങിയ യാത്ര ഇന്നലെ തുടങ്ങിയത് പോലെ തോന്നുന്നു. എത്ര അത്ഭുതകരമായ യാത്രയാണ്! ബേട്ടു, ഞാൻ എന്റെ വികാരങ്ങൾ പ്രകടിപ്പിക്കുന്നില്ല, പക്ഷേ ഒരു കാര്യം പറയട്ടെ, നിങ്ങൾ തികച്ചും അതിശയകരമായ ഒരു സഹയാത്രികയാണ്. ഇന്ന് ഞാൻ എന്തെങ്കിലം നേടിയിട്ടുണ്ടെങ്കില്‍ അതിന് പിന്നിലെ പ്രചോദനം നിങ്ങൾ മാത്രമാണ്.
നിങ്ങൾ എന്റെ കരുത്താണ് എന്റെ അഭിനിവേശത്തിന്റെയും ആദർശവാദത്തിന്റെയും ചൂളകൾ എല്ലാ പ്രതിബന്ധങ്ങൾക്കും എതിരായി കത്തിച്ച ഇന്ധനമാണ് നിങ്ങൾ. ഞങ്ങൾ അതിശയകരമായ സമയങ്ങൾ പങ്കുവെക്കുകയും വർഷങ്ങളായി മനോഹരമായ ഓർമ്മകൾ സൃഷ്‌ടിക്കുകയും ചെയ്‌തു. സംഭവബഹുലമായ ഞങ്ങളുടെ ജീവിത യാത്രയുടെ ഓരോ നിമിഷവും ഞാൻ ആസ്വദിക്കുന്നു. എന്നെന്നേക്കുമായി സ്നേഹിക്കുന്നു. അദ്ദേഹം ഭാര്യയോടായി പറയുന്നു.
കുടുംബം നേരിട്ട പ്രശ്നങ്ങളെയും കത്ത് ചൂണ്ടിക്കാട്ടുന്നു.
കഴിഞ്ഞ ഒരു വർഷം നിങ്ങൾ നേരിട്ടത് സങ്കൽപ്പിക്കാനാവാത്തവിധം ദുഷ്കരമായിരുന്നിരിക്കണം. എന്നാണ് കുടുംബത്തെ കുറിച്ച് അദ്ദേഹം പറയുന്നു. കഴിഞ്ഞ ഓഗസ്റ്റിലാണ് തങ്ങളെ പരസ്യമായി വേട്ടയാടൽ ആരംഭിച്ചത്. നിരവധി പ്രതികാര നടപടികള്‍ നേരിട്ടു. നിയമവിരുദ്ധമായി നിർമിച്ചു എന്ന് ആരോപിച്ച് വീടിന്റെ ഒരു ഭാഗം നഗരസഭ പൊളിച്ചുമാറ്റി. ഇതിനെ നിയമപരമായി നേരിടാൻ അവസരം പോലും നൽകിയില്ല. വളരെയധികം ഇഷ്ടപ്പെട്ട് നിർമിച്ച വസതിയാണ് അന്ന് ഭാഗികമായി തകർക്കപ്പെട്ടത്. ഇപ്പോൾ പൂർണ്ണമായും കെട്ടിച്ചമച്ച തെളിവുകളുടെ അടിസ്ഥാനത്തിൽ 24 വർഷം പഴക്കമുള്ള ഒരു കേസിൽ ഞാൻ അറസ്റ്റിലായി. താന്‍ നേരിടുന്നത് നിന്ദ്യവും നീതിക്ക് നിരക്കാത്തതുമായ ശിക്ഷയാണെന്നും അദ്ദേഹം വ്യക്തമാക്കുന്നു.
സുഹൃത്തുക്കളോട്..
ഈ ഇരുണ്ട കാലഘട്ടത്തിൽ എന്നോടും എന്റെ കുടുംബത്തോടും ഒപ്പം നിന്ന എല്ലാ ധീരരായ സുഹൃത്തുക്കൾക്കും, പിന്തുണച്ചവർക്കും ഹൃദയംഗമമായ നന്ദി. നിങ്ങൾ ഓരോരുത്തരും എന്നെ പോരാടാൻ പ്രചോദിപ്പിക്കുന്നു. ശ്വേതയ്ക്ക് ആവശ്യമായ കരുത്തിന്റെ ഉറവിടവും നിങ്ങളാണ്. നിങ്ങൾ ഓരോരുത്തരും അവളുടെ ധൈര്യം വർദ്ധിപ്പിച്ചു. ഇന്ത്യൻ ജനാധിപത്യത്തെ കീഴടക്കുമെന്ന് ഭീഷണിപ്പെടുത്തുന്ന തിന്മയുടെ ശക്തികളെ എതിര്‍ക്കാനുള്ള നിങ്ങളുടെ ദൃഢനിശ്ചയത്തെ നിങ്ങൾ ഓരോരുത്തരും വർധിപ്പിച്ചു.
സത്യം, യുക്തി, വിയോജിപ്പ് എന്നിവയെ നിശബ്ദമാക്കുന്നതിനുള്ള ശ്രമങ്ങൾ നടക്കുന്ന കാലമാണിത്. കള്ളമാരായ അധികാരികൾ ഇതിനായി ശ്രമച്ചുകൊണ്ടേ ഇരിക്കും. രാഷ്ട്രത്തിന്റെ ആശയം, ഒരു പ്രത്യയശാസ്ത്രം, ഒരു രാഷ്ട്രീയ പാർട്ടി, അല്ലെങ്കിൽ ഒരു വ്യക്തിയിൽ കേന്ദ്രീകരിക്കാൻ നമ്മൾ അനുവദിച്ചു. അതിലൂടെ ആ ആശയത്തെ ചോദ്യം ചെയ്യുന്ന ആരും ദേശവിരുദ്ധമെന്ന് മുദ്രകുത്തപ്പെടും.
ഇന്ത്യ ഒരു സുപ്രധാന ഘട്ടത്തിലാണ് എത്തിനിൽക്കുന്നത്. ഇന്നത്തെ നമ്മുടെ തിരഞ്ഞെടുപ്പുകൾ അടുത്ത ഏതാനും ദശകങ്ങളിൽ രാജ്യത്തിന്റെ വിധി നിർ‌ണ്ണയിക്കാൻ പോന്നതാണ്. നമ്മളിൽ ആർക്കും നമ്മുടെ നിലപാടുകളിൽ അധിക കാലം തുടരാൻ കഴിയില്ല. പോരാട്ടത്തിന് ഇറങ്ങേണ്ട കാലമായിരിക്കുന്നു. രാഷ്ട്രീയം കാഴ്ചക്കാരുടെ വിനോദമല്ല. നമുക്ക് രാഷ്ട്രീയം ഒഴിവാക്കാം, പക്ഷേ രാഷ്ട്രീയം നമ്മെ ഒഴിവാക്കില്ല. ഈ ഗുണ്ടകളോട് പോരാടാൻ തീരുമാനിക്കേണ്ടിയിരിക്കുന്നു.
എന്ത് വിലകൊടുത്തും അധികാരം കയ്യാളുന്ന ഈ ഗുണ്ടകളെ നമുക്ക് നേരിടേണ്ടി വരും, അതിന് വലിയ ബുദ്ധിമുട്ടുകൾ നമ്മൾ നേരിടേണ്ടിവരും. നമ്മൾ വെല്ലുവിളി നേരിടാൻ തയ്യാറായില്ലെങ്കിൽ ഒന്നും മാറാൻ പോവുന്നില്ല. ഓരോ തവണയും നാം സത്യം കാണുകയും സംസാരിക്കാതിരിക്കുകയും ചെയ്യുമ്പോൾ, നമ്മൾ മരിച്ചു കൊണ്ടിരിക്കുകയാണ്.
ഇന്ത്യൻ ജനാധിപത്യത്തിന് ചുറ്റും ഒന്നിലധികം വഴികളിൽ ഇരുട്ടു വീണുകൊണ്ടിരിക്കുകയാണ്, എന്നാൽ നിങ്ങളെപ്പോലുള്ള ആളുകളിൽ രാജ്യത്തിന് ഇപ്പോഴും പ്രതീക്ഷയുണ്ട്. തിന്മയുടെ ശക്തികളെ നേരിടേണ്ടിവരുമ്പോൾ, ചെറുത്തുനിൽപ്പിന്റെ ഒരു പ്രവൃത്തിയും നിസ്സാരമല്ല, ഒരു പോരാട്ടവും ചെറുതല്ല. ഏറ്റവും വലിയ ഹിമപാതങ്ങൾ ഉണ്ടാവുന്നത് ചെറിയ അനക്കങ്ങളിൽ നിന്നാണ്. നമ്മൾ എതിർക്കും. നമ്മളൊരുമിച്ച് യുദ്ധം ചെയ്യും. നാം ജയിക്കും. അത് ഉറപ്പാണെന്നും അദ്ദേഹം സുഹൃത്തുക്കളോടായി കത്തിൽ പറയുന്നു.
