കഠിനപ്രയത്നവും പ്രൊഫഷണലിസവും സെന്സിറ്റിവിറ്റിയുമാണ് അദ്ദേഹത്തിന്റെ ഒരോ മികച്ച പ്രകടനങ്ങള്ക്കും പിന്നില്. ഏത് വേഷവും അനായാസേന അഭിനയിക്കുവാന് അദ്ദേഹത്തെ പ്രാപ്തനക്കുന്നതും അവയൊക്കയാണ്
ശശി കപൂറിന്റെ നിര്യാണത്തില് അനുശോചനം അറിയിച്ചുകൊണ്ട് മകള് സഞ്ജന കപൂറിന് സോണിയാഗാന്ധി എഴുതിയ വികാര നിര്ഭരമായ കത്ത് സോഷ്യല് മീഡിയയില് വൈറലാകുന്നു. പ്രിയപ്പെട്ട സഞ്ജനക്ക് എന്ന് അഭിസംബോധന ചെയ്യുന്ന കത്തില് ശശി കപൂറിന്റെ വിയോഗത്തില് സോണിയ ഗാന്ധി അഗാധമായ ദു:ഖം രേഖപ്പെടുത്തുന്നു. ഒപ്പം താന് കപൂറിന്റെ ആരാധികയാണെന്നും ശ്രീമതി ഗാന്ധി വെളിപ്പെടുത്തി.
1966 ല് ഇംഗ്ലണ്ടില് വെച്ച് കപൂറിന്റെ ‘ഷേക്സ്പിയര്വാല’ എന്ന ചിത്രമാണ് താന് ആദ്യമായി കണ്ടത്. അത് ഇന്നും അവിസ്മരണീയമായ അനുഭവമാണ്. കപൂറിന്റെ അഭിനയത്തിന്റെ സൗന്ദര്യമോ പ്രസാദാത്മകതയോ മാത്രമല്ല ആ അനുഭവം ഇന്നും അവിസ്മരണീയമാക്കുന്നത്. മറിച്ച്, രാജീവായിരുന്നു എന്നെ ആ ചിത്രം കാണുന്നതിനായി കൂട്ടികൊണ്ടുപോയത്. അതിനുശേഷം ഞാന് കപൂറിന്റെ ഒരുപാട് സിനിമകള് കണ്ടു. എന്തൊരു ബഹുമുഖ പ്രതിഭയാണ് അദ്ദേഹം. കലാസിനികളായാലും മുഖ്യധാരസിനിമകളായാലും ഏത് വേഷവും മികച്ചതാക്കുന്ന പ്രാവീണ്യമാണ് അദ്ദേഹത്തിന്റേത്
ആ മികവ് അദ്ദേഹത്തിനു ലഭിച്ച ഗിഫ്റ്റാണ്. കഠിനാധ്വാനവും പ്രൊഫഷണലിസവും സെന്സിറ്റിവിറ്റിയുമാണ് അദ്ദേഹത്തിന്റെ ഒരോ മികച്ച പ്രകടനങ്ങള്ക്കും പിന്നില്. ഏത് വേഷവും അനായാസേന അഭിനയിക്കുവാന് അദ്ദേഹത്തെ പ്രാപ്തനാക്കുന്നതും അവയൊക്കെയാണ്. ചില ക്ലാസിക് സിനികളില് അദ്ദേഹം എന്നും നിലനില്ക്കും. അദ്ദേഹം ഏറെ താല്പ്പര്യം എടുത്ത് പുന:സൃഷ്ടിച്ച പൃഥി തിയേറ്ററും അദ്ദേഹത്തിന്റെ സ്മരണ എന്നെന്നും നിലനിര്ത്തും.
നിങ്ങളുടെ പിതാവ് തീക്ഷ്ണമായ വശ്യതയുളള വ്യക്തിത്വമായിരുന്നു. അത് അദ്ദേഹത്തിന്റെ ഹൃദയത്തില് നിന്നും നേരിട്ടുളളതായിരുന്നു. നിങ്ങള് അതിയായ ദുഃഖം അനുഭവിക്കുന്ന ഈ വേളയില് എന്റെ മനസ് താങ്കള്ക്കൊപ്പമുണ്ട്. താങ്കളും സഹോദരങ്ങളും പിതാവില് നിന്നും ലഭിച്ച സ്നേഹത്തില് നിന്നും അടുപ്പത്തില് നിന്നും സാന്ത്വനം നേടുമെന്ന് ഞാന് കരുതട്ടെ.. അദ്ദേഹത്തോടൊപ്പമുണ്ടായിരുന്ന ആ അത്ഭുതകരമായ ഓര്മ്മകള് നിങ്ങളോടൊപ്പം എന്നുമുണ്ടാകുമെന്ന് കരുതുന്നു.
താങ്കളോടും കുടുംബത്തോടും എന്റെ അഗാധമായ ദുഃഖം അറിയിക്കുന്നു.
സോണിയാഗാന്ധി