അറസറ്റിന്റെ വിശദീകരണം ആവശ്യപ്പെട്ടുകൊണ്ട് പ്രസ് കൗണ്സില് ഓഫ് ഇന്ത്യ എന്ഐഎക്കും ജമ്മു കശ്മീര് പോലീസിനും
നോട്ടീസ് അയച്ചിരുന്നു.
കശ്മീരില് കല്ലേറിന്റെ പേരില് പിടിയിലായ സ്വതന്ത്ര ന്യൂസ് ഫോട്ടോഗ്രാഫറായ കമറാന് യൂസഫിന്റേയും ജാവേദ് അഹമ്മദിന്റേയും എന്ഐഎ കസറ്റഡി കാലാവധി ഈ മാസം 19 വരെ നീട്ടിയതായി ദേശീയ വാര്ത്താ ഏജന്സി റിപ്പോര്ട്ട് ചെയ്തു.
ഡല്ഹിയിലെ കോടതിയാണ് ഇവരുടെ കസറ്റഡി കാലാവധി നീട്ടിയത്. സെപ്തംബര് നാലിനാണ് ജമ്മു-കശ്മീര് പോലീസ് ഇവരെ അറസറ്റ് ചെയ്ത്. തൊട്ടടുത്ത ദിവസം എന്ഐഎക്കു കൈമാറുകയായിരുന്നു.
കല്ലേറില് പങ്കാളികളായെന്നതാണ് ഇവര്ക്കെതിരായി ചുമത്തപെട്ട കുറ്റം. ഇവരെ അറസറ്റ് ചെയ്തതിന്റെ വിശദീകരണം ആവശ്യപെട്ടുകൊണ്ട് പ്രസ്സ് കൗണ്സില് ഓഫ് ഇന്ത്യ എന്ഐഎക്കും ജമ്മു-കശ്മീര് പൊലിസിനും ഈ മാസം 14 ന് നോട്ടീസ് അയച്ചിരുന്നു.
ഇവരെ ഉടനെ പുറത്തുവിടണമെന്ന് എഡിറ്റേര്സ് ഗില്ഡ് കശ്മീര് വക്താവ് ആവശ്യപെട്ടിട്ടുണ്ട്. എന്ഐഎ യുടെ നടപടി നിയമവിരുദ്ധമാണെന്ന് അദ്ദേഹം പറഞ്ഞു. 23 കാരനായ യുസഫ് ഗ്രെയ്റ്റര് കശ്മീര് ദിനപത്രത്തിനു വേണ്ടിയാണ് പ്രവര്ത്തിച്ചുവരുന്നത്.