കാവ്യാമാധവന്റെയും നാദിര്ഷയുടെയും മുന്കൂര് ജാമ്യാപേക്ഷ കോടതി ഇന്ന് പരിഗണിക്കും.
നടിയെ ആക്രമിച്ച കേസിലെ മുഖ്യപ്രതി പള്സര് സുനിയുടെ (സുനില് കുമാര്) ജാമ്യാപേക്ഷ ഹൈക്കോടതി തളളി. സുപ്രധാന തെളിവുകള് സുനി നശിപ്പിച്ചുവെന്ന പ്രോസിക്യൂഷന് വാദം ഹൈക്കോടതി ശരിവെച്ചു. സംഭവത്തില് നേരിട്ട് പങ്കുളള പ്രതികള്ക്കെതിരെ ശക്തമായ തെളിവുകള് ഉളളതായി കോടതി പറഞ്ഞു. പ്രതിക്ക് സിനിമാ മേഖലയുമായി ബന്ധമുണ്ടെന്നും പ്രതികളെ സ്വാധീനിക്കാന് കഴിയുമെന്നും കോടതി വിലയിരുത്തി. ജാമ്യത്തിനായി സുനിക്ക് വിചാരണ കോടതിയെ സമീപിക്കാമെന്നും കോടതി നിര്ദ്ദേശിച്ചു.
കാവ്യാമാധവന്റെയും നാദിര്ഷയുടെയും മുന്കൂര് ജാമ്യാപേക്ഷ കോടതി ഇന്ന് പരിഗണിക്കും. കേസിന്റെ വിശദാംശങ്ങളടങ്ങിയ രേഖകള് സമര്പ്പിക്കാന് ഹൈക്കോടതി പൊലീസിന് നിര്ദേശം നല്കിയിട്ടുണ്ട്. ഇത് പരിശോധിച്ച ശേഷമാകും കോടതി ജാമ്യ ഹര്ജിയില് അന്തിമ തീരുമാനം കൈക്കൊള്ളുക. കേസില് കാവ്യാ മാധവനെ ചോദ്യം ചെയ്യാന് നോട്ടീസ് നല്കിയിട്ടില്ലെന്നും ഇതുവരെ കാവ്യാമാധവനെ പ്രതിചേര്ക്കാന് കഴിയുന്ന തെളിവുകള് ലഭിച്ചിട്ടില്ലെന്നും നേരത്തെ പൊലീസ് കോടതിയെ അറിയിച്ചിട്ടുണ്ട്. പ്രധാനപ്പെട്ട വിവരങ്ങള് മറച്ചുവെക്കുന്നു എന്നാണ് നാദിര്ഷയെ സംബന്ധിച്ച് പൊലീസിന്റെ പരാതി. നാദിര്ഷയെ ചോദ്യം ചെയ്തതിന്റെ വിശദമായ റിപ്പോര്ട്ടുകളും പൊലീസ് ഇന്ന് കോടതിയ്ക്ക് കൈമാറും.