പുരുഷ ടേബിള് ടെന്നീസിലും സ്വര്ണം നേടിയതോടെ ഗോള്ഡ് കോസ്റ്റ് കോമണ്വെല്ത്ത് ഗെയിംസില് ഇന്ത്യ ഇതുവരെ ഒമ്പത് സ്വര്ണ മെഡല് സ്വന്തമാക്കിയിരിക്കുകയാണ് – ടീം ഇനങ്ങളില് രണ്ടും വ്യക്തിഗത ഇനങ്ങളില് ഏഴും.
കോമണ്വെല്ത്ത് ഗെയിംസില് വനിത ടേബിള് ടെന്നീസിന് പിന്നാലെ പുരുഷ ടേബിള് ടെന്നീസിലും ഇന്ത്യ സ്വര്ണം നേടി. ഫൈനലില് നൈജീരിയയെ 3-0 എന്ന സ്കോറിന് പരാജയപ്പെടുത്തിയാണ് ഇന്ത്യ സ്വര്ണം നേടിയത്. ഓപ്പണിംഗ് മാച്ചില് ഇന്ത്യയുടെ അചാന്ത ശരത് കമല്, നൈജീരിയയുടെ ബോഡെ അബിയോഡുനെ പരാജയപ്പെടുത്തിയത് 4-11, 11-5, 11-4, 11-9 എന്ന സ്കോറിനാണ്.
അടുത്ത റൗണ്ടില് നൈജീരിയയുടെ സീഗന് ടോറിയോളയെ ഇന്ത്യയുടെ സത്യന് ജ്ഞാനശേഖരന് തോല്പ്പിച്ചു – 10-12, 11-3, 11-3, 11-4 എന്ന സ്കോറിന്. മൂന്നാം റൗണ്ടില് ഇന്ത്യയുടെ ഹര്മീത് ദേശായ് നൈജീരിയയുടെ ഒലജിഡെ ഒമടായോവിനെ 11-8, 11-5, 11-3 എന്ന സ്കോറിന് തോല്പ്പിച്ചു. പുരുഷ ടേബിള് ടെന്നീസിലും സ്വര്ണം നേടിയതോടെ ഗോള്ഡ് കോസ്റ്റ് കോമണ്വെല്ത്ത് ഗെയിംസില് ഇന്ത്യ ഇതുവരെ ഒമ്പത് സ്വര്ണ മെഡല് സ്വന്തമാക്കിയിരിക്കുകയാണ് – ടീം ഇനങ്ങളില് രണ്ടും വ്യക്തിഗത ഇനങ്ങളില് ഏഴും. നാല് വെള്ളിയും അഞ്ച് വെങ്കലവുമടക്കം ആകെ 18 മെഡലുകള്. മെഡല് പട്ടികയില് നിലവില് ഓസ്ട്രേലിയയ്ക്കും ഇംഗ്ലണ്ടിലും പിന്നില് മൂന്നാം സ്ഥാനത്താണ് ഇന്ത്യ.