കടുംകൈക്ക് പ്രേരണ അദ്ധ്യാപകരുടെ വഴക്ക് പറച്ചിലെന്ന് പൊലിസിന്റെ പ്രാഥമിക നിഗമനം
തമിഴ്‌നാട്ടിലെ വെല്ലൂരില്‍ നാല് ഹയ്യര്‍സെക്കണ്ടറി സ്‌കൂള്‍ വിദ്യാര്‍ത്ഥിനികള്‍ കിണറ്റില്‍ ചാടി ജീനൊടുക്കി. പെണ്‍കുട്ടികളെ ഈ കടുംകൈക്ക് പ്രേരിപ്പിച്ചത് അധ്യാപകര്‍ വഴക്ക് പറഞ്ഞതാണ് കാരണമെന്നാണ് നിഗമനം.
വെളളിയാഴ്ച വൈകിയിട്ടാണ് സംഭവം. മാര്‍ക്ക് കുറഞ്ഞതിനാല്‍ രക്ഷിതാക്കളെ വിളിച്ചുകൊണ്ട് സ്‌കൂളില്‍ വന്നാല്‍ മതിയെന്ന് അദ്ധ്യാപകര്‍ പറഞ്ഞതാണ് വിദ്യാര്‍ത്ഥിനികളെ അസ്വസ്ഥരാക്കിയതെന്നും വാര്‍ത്തയുണ്ട്. ഉന്നത പോലിസ് ഉദ്യോഗസ്ഥര്‍ സ്ഥലത്തെത്തി തെളിവെടുപ്പ് നടത്തി.
