പിടിയിലാകുമ്പോള്‍ ഇയാളുടെ പക്കല്‍ 48 പാക്കറ്റ് മദ്യമുണ്ടായിരുന്നു
ഫ്രൂട്ടിയുടേതിന് സമാനമായ കവറുകളില്‍ മദ്യവുമായി വിരാജ്‌പേട്ട സ്വദേശിയെ എക്‌സൈസ് സംഘം അറസ്റ്റ് ചെയ്‌തെന്ന് എക്‌സൈസ് സംഘം അറിയിച്ചു. എം എം അശോകനെയാണ്(46) അറസ്റ്റ് ചെയ്തത്.
പിടിയിലാകുമ്പോള്‍ ഇയാളുടെ പക്കല്‍ 48 പാക്കറ്റ് മദ്യമുണ്ടായിരുന്നു. ശ്രീകണ്ഠപുരം എക്‌സൈസ് ഇന്‍സ്‌പെക്ടര്‍ പി എ ജോസഫിന്റെ നേതൃത്വത്തിലുള്ള സംഘം പയ്യാവൂരില്‍ നിന്നാണ് ഇയാളെ അറസ്റ്റ് ചെയ്തത്. മറ്റുള്ളവര്‍ക്ക് സംശയം തോന്നാത്ത വിധത്തിലായിരുന്നു കച്ചവടം.
മദ്യം ഫ്രൂട്ടിയുടെ കവറുകളില്‍ നിറച്ച ശേഷമാണ് ഇയാള്‍ വില്‍പ്പന നടത്തുക. പ്രിവന്റീവ് ഓഫീസര്‍മാരായ കെ പി പ്രമോദ്, എം വി അഷ്‌റഫ്, സിവില്‍ എക്‌സൈസ് ഓഫീസര്‍മാരായ എംഎം ഷഫീഖ്, അഖില്‍ ജോസ്, കേശവന്‍ എന്നിവരും സംഘത്തിലുണ്ടായിരുന്നു.
