മുസ്ലിങ്ങള് പാകിസ്താനിലേക്കോ ബംഗ്ലാദേശിലോക്കോ പോയ്ക്കോളണം
മുസ്ലിം സമുദായത്തിനെതിരേ വീണ്ടും വിദ്വേഷജനകമായ ആരോപണവുമായി ബിജെപി എംപി വിനയ് കട്യാര്. മുസ്ലിങ്ങള് ഇന്ത്യയില് നിന്നും പോകണമെന്നാണ് കട്യാര് ആവശ്യപ്പെടുന്നത്.
മുസ്ലിങ്ങള് ഇന്ത്യയില് നില്ക്കരുത്. അവര് ഈ രാജ്യം ജനസംഖ്യയുടെ പേരില് വീണ്ടും വിഭജിക്കും. അങ്ങനെയുള്ളപ്പോള് അവരെയെന്തിനാണ് ഈ രാജ്യത്ത് നിലനിര്ത്തുന്നത്. അവര്ക്ക് അവവരുടേതായ ഭൂമി നേരത്തെ തന്നെ നല്കിയിട്ടുണ്ടല്ലോ, അവര് പാകിസ്താനിലേക്കോ ബംഗ്ലാദേശിലോക്കോ പോട്ടേ; ന്യൂസ് ഏജന്സിയായ എഎന്ഐയോടായി വിനയ് കട്യാര് പറഞ്ഞു.
വന്ദേമാതരത്തെ ബഹുമാനിക്കാത്തവരെ ശിക്ഷിക്കാന് നിയമം കൊണ്ടുവരണമെന്ന ആവശ്യവും കട്യാര് ഉയര്ത്തി. ദേശീയപതാകയെ നിന്ദിക്കുന്നവര്, പാകിസ്താന് മുദ്രാവാക്യം വിളിക്കുന്നവരെയൊക്കെ ശിക്ഷിക്കണം; കട്യര് പറയുന്നു.
ഇന്ത്യയിലുള്ള മുസ്ലിങ്ങളെ പാകിസ്താനികള് എന്നു വിളിക്കുന്നവരെ മൂന്നുവര്ഷത്തേക്ക് തടവിലിടുന്ന നിയമം പാസാക്കണമെന്ന എ ഐ എം ഐ എം നേതാവ് അസദ്ദൂദിന് ഒവൈസിയുടെ പ്രസ്താവനയ്ക്ക് ബദലായാണ് കട്യാര് ഇത്തരത്തില് ആവശ്യം ഉയര്ത്തിയത്.
താജ് മഹല് ഒട്ടും വൈകാതെ തന്നെ തേജോ മഹല് ആയി മാറുമെന്നും രണ്ടുദിവസം മുമ്പ് വിനയ് കട്യാര് പറഞ്ഞിരുന്നു.
