ഉത്തര്പ്രദേശ് മുന് മുഖ്യമന്ത്രിയും രാജ്യസഭ എം പിയുമായി മായാവതിക്കെതിരെ മോശം പരാമര്ശം നടത്തിയ ബിജെപി സംസ്ഥാന ഉപാധ്യക്ഷന് ദയാശങ്കറിനെ തല്സ്ഥാനത്തു നിന്നും നീക്കി. മായാവതി അഭിസാരികയേക്കാള് താഴ്ന്ന നിലവാരം പുലര്ത്തുന്ന സ്ത്രീയാണെന്നായിരുന്നു ബിജെപി നേതാവിന്റെ ആക്ഷേപം. എന്നാല് തനിക്കെതിരെ ഉണ്ടായിരിക്കുന്ന അധിക്ഷേപം ചൂണ്ടിക്കാട്ടി അതിനുത്തരവാദിയായ നേതാവിനെ പാര്ട്ടിയില് നിന്നും പുറത്താക്കണമെന്നും അല്ലാത്തപക്ഷം രാജ്യവ്യാപകമായി പ്രതിഷേധം നടത്തുമെന്നും മായാവതി രാജ്യസഭയില് ആവശ്യപ്പെട്ടിരുന്നു. ഈ അപമാനം രാജ്യം പൊറുക്കില്ല. ലോക്സഭയ്ക്കകത്തും പുറത്തും എല്ലാവരും സഹോദരിയെന്നാണ് വിളിക്കുന്നത്. തന്നെ അപമാനിച്ചതിലൂടെ രാജ്യത്തെ എല്ലാ സ്ത്രീസഹോദരിമാരെയുമാണ് ബിജെപി നേതാവ് അപമാനിച്ചിരിക്കുന്നതെന്നും അവര് പറഞ്ഞു.
