കിക്കി ഡാന്സ് ചലഞ്ച് ഏറ്റെടുത്ത പല ആളുകളും അപടത്തില്പ്പെട്ടത്തോടെ ഡെയ്ഞ്ചറസ് വൈറല് ഡാന്സിനെതിരെ മുന്നറിയിപ്പുമായി പോലീസും രംഗത്തെത്തി
ഡെയ്ഞ്ചര് ഡാന്സ് കിക്കി ചലഞ്ചിനെക്കുറിച്ച് മുന്നറിപ്പുമായി ഇന്ത്യയുള്പ്പടെ വിവിധ രാജ്യങ്ങളിലെ അധികൃതരും പോലീസും രംഗത്തെത്തിയിട്ടുണ്ട്. ഇപ്പോള് ആ കിക്കി ചലഞ്ചിന് തന്നെ വെല്ലുവിളിയായി എത്തിയിരിക്കുകയാണ് ‘ദേശി കിക്കി’ എന്ന ചലഞ്ച്. ആന്ധ്രയിലെ നെല്പാടങ്ങളില് നിന്നാണ് പുതിയ വെല്ലുവിളിയുണ്ടായിരക്കുന്നത്.
പുതിയ വീഡിയോ ബോളിവുഡ് താരം വിവേക് ഒബ്റോയ് ഷെയര് ചെയ്തത്തോടെ ദേശി കിക്കിയും വൈറലായിരിക്കുകയാണ്. പല താരങ്ങളും ദേശി കിക്കിനെ പിന്തുണച്ച് എത്തുന്നുണ്ട്. പാടത്ത് കലപ്പ വലിക്കുന്ന രണ്ട് കാളകളോടൊപ്പം രണ്ട് യുവാക്കള് ഡാന്സ് കളിക്കുന്ന വീഡിയോ ആണ് ദേശി കിക്കി ചലഞ്ചായി വൈറലായികൊണ്ടിരക്കുന്നത്. യുവാക്കളെ അഭിന്ദിച്ചുകൊണ്ട് ഒട്ടേറെ പേര് സോഷ്യല് മീഡിയകളില് എത്തുന്നുണ്ട്.
The only #kikichallenge that I approve of! Desi style and completely safe! Mera Bharat Mahaan! #InMyFeelingsChallenge #DesiKiki #Kiki #KiKiHardlyAChallenge pic.twitter.com/HiTXl5bucR
— Vivek Anand Oberoi (@vivekoberoi) August 3, 2018
കിക്കി ഡാന്സ് ചലഞ്ച് ഏറ്റെടുത്ത പല ആളുകളും അപടത്തില്പ്പെട്ടത്തോടെ ഡെയ്ഞ്ചറസ് വൈറല് ഡാന്സിനെതിരെ മുന്നറിയിപ്പുമായി പോലീസും രംഗത്തെത്തി. ഇന്ത്യ, സ്പെയ്ന്, യുഎസ്, മലേഷ്യാ, യുഎഇ തുടങ്ങി സ്ഥലങ്ങളിലെല്ലാം മുന്നറിയിപ്പ് നല്കിയിട്ടുണ്ട്. തന്റെയുള്ളിനുള്ള വികാരങ്ങള് പ്രകടിപ്പിക്കുക എന്ന തത്വത്തിലാണ് കിക്കി ചലഞ്ച് പ്രചരിക്കുന്നത്.
സഞ്ചരിച്ചുകൊണ്ടിരിക്കുന്ന കാര് വേഗത കുറച്ചിട്ട് റോഡിലേക്ക് ചാടിയിറങ്ങി വാഹനം മുന്നോട്ട് നീങ്ങുന്നതിനൊപ്പം ഡാന്സ് കളിക്കുക. എന്നിട്ട് അതിന്റെ വീഡിയോ സോഷ്യല് മീഡിയയില് ഇടുക. ചലഞ്ച് ഏറ്റെടുത്ത ഒട്ടേറെ യുവാക്കള് അപകടത്തില്പ്പെട്ടതിനെ തുടര്ന്നാണ് മുന്നറിയിപ്പുമായി പോലീസ് എത്തിയത്.
ഓണ്ലൈന് വീഡിയോകളിലെ ശ്രദ്ധയേനായ കൊമേഡിയന് ഷിഗി ഇന്സ്റ്റഗ്രാമില് പോസ്റ്റ് ചെയ്ത ഒരു വീഡിയോ ആണ് കിക്കി ഡാന്സിന് തുടക്കം കുറിച്ചത്. ഷിഗി-ക്ക് പിന്നാലെ ഹോളിവുഡ് താരം വില് സ്മിത്തും സൈറയും ഓടുന്ന വണ്ടിയില് നിന്ന് ചാടിയിറങ്ങി ഡാന്സ് കളിക്കുന്ന വീഡിയോയും എത്തിയത്തോടെ ഈ ഡാന്സ് ചലഞ്ച് വൈറലായത്.
ഡെയ്ഞ്ചറസ് ഡാന്സ് ‘കിക്കി ചലഞ്ച്’ ഇന്ത്യയിലും; മുന്നറിയിപ്പുമായി പോലീസ്