അഴിമുഖം പ്രതിനിധി
ഇന്ത്യ ക്രിക്കറ്റില് പാകിസ്താനെ ബഹിഷ്കരിക്കുന്നത് അവസാനിപ്പിക്കണമെന്ന് പാക് മുന് പേസ് ബൗളര് വസീം അക്രം പ്രധാനമന്ത്രി നരേന്ദ്ര മോദിയോട് ആവശ്യപ്പെട്ടു. നിലനില്ക്കുന്ന സ്തംഭനാവസ്ഥ ലോകമെമ്പാടുമുള്ള ആരാധകരെ വിഷമിപ്പിക്കുന്നു. ഇന്ത്യയുമായി പൂര്ണ പരമ്പര കളിക്കാനുള്ള അനുമതിക്കായി പാകിസ്താന് കാത്തരിക്കുകയാണ്. 2007-ലാണ് ഇരുരാഷ്ട്രങ്ങളും അവസാനമായി പൂര്ണപരമ്പര കളിക്കുന്നത്. 2008-ലെ മുംബയ് ആക്രമണത്തെ തുടര്ന്നാണ് ഇന്ത്യ-പാക് മത്സരങ്ങള് നിര്ത്തലാക്കിയത്. എങ്കിലും 2012-ല് ഒരു ഏകദിന പരമ്പര നടന്നിരുന്നു. സമീപ കാലത്തായി അതിര്ത്തിയില് സംഘര്ഷം വര്ദ്ധിച്ചു വരുന്നത് പരമ്പരയെ അനിശ്ചിതത്വത്തിലാക്കിയിരിക്കുകയാണ്. എങ്കിലും മോദി അനുമതി നല്കുമെന്നാണ് വസീമിന്റെ പ്രതീക്ഷ.
