1946-ല് നിര്മ്മിച്ച ഈ സ്കൂട്ടറില് 98 സിസി സിംഗിള് സിലിണ്ടര് എന്ജിനാണ് ഉപയോഗിക്കുന്നത്
71 വര്ഷം പഴക്കമുള്ള ഈ സ്കൂട്ടറിന് പ്രതീക്ഷിക്കുന്ന വില എത്രയാണെന്നറിയാമോ? അധികം ഒന്നുമില്ല 2.11 കോടി രൂപ (മൂന്നു ലക്ഷം യൂറോ). നിലവില് ഏറ്റവും പഴക്കമേറിയ വെസ്പ സ്കൂട്ടറാണിത്. ഒരു ഓണ്ലൈന് ലേല സൈറ്റിലാണ് ഈ സ്കൂട്ടര് വില്പ്പനയ്ക്ക് എത്തിയിരിക്കുന്നത്. ലേലം വിളിക്കാനുള്ള അവസരം മാര്ച്ച് 28 വരെയുണ്ട്. ഓണ്ലൈന് ലേലത്തിനു നേതൃത്വം നല്കുന്നത് ഡേവിഡെ മാരെല്ലിയെന്ന വെസ്പ വിദഗ്ധനാണ്.
1946-ല് നിര്മ്മിച്ച ഈ സ്കൂട്ടറില് 98 സിസി സിംഗിള് സിലിണ്ടര് എന്ജിന് 2 സ്ട്രോക്ക് എയര് കൂള്ഡ് എന്ജിനുമാണ് ഉപയോഗിക്കുന്നത്. മൂന്ന് സ്പീഡുള്ള ഗിയര്ബോക്സാണിതിന്. വെസ്പ ആദ്യം നിര്മ്മിച്ച സ്കൂട്ടറുകളില് മൂന്നാമത്തേതാണ് ഇത്. ഈ മാതൃകയിലുള്ള 60 സ്കൂട്ടറുകളാണ് കമ്പിനി നിര്മ്മിച്ചിരിക്കുന്നത്.
യുദ്ധവിമാനങ്ങളാണുണ്ടാക്കിയിരുന്ന പിയാജിയോ എന്ന ഇറ്റലിയന് കമ്പനിയാണ് വെസ്പ സ്കൂട്ടര് നിര്മ്മിച്ചത്. രണ്ടാം ലോകമഹായുദ്ധത്തില് ഇറ്റലി ജര്മനിയുമായി സഹകരിച്ചിരുന്നതുകൊണ്ട് പിന്നീട് യുദ്ധവിമാനങ്ങള് നിര്മിക്കാന് കമ്പിനിയെ അനുവദിച്ചില്ല. തുടര്ന്നായിരുന്നു അവര് വെസ്പ സ്കൂട്ടറുകളുടെ നിര്മാണത്തിലേക്ക് എത്തിയത്.